[重遊NYC]

[重遊NYC] photo:女朋友Carmen - 攝於2006年5月19日

攰爆…直踩16個鐘嘅直航機真係唔惹笑…响JFK搭車去酒店時諗一諗…上次飛紐約已經係舊年五月嘅事。

嗰次係放大假陪女朋友過唻睇佢老友卓宏嘅大學畢業禮。仲記得舊年申請美國簽證時,佢同公司攞哂推薦信，又作哂文澄清同宏哥仔嘅關係，慌死唔批咁…都咪話唔話得，用男朋友嘅福利去捧另一個男仔場…不過講真，可以帶到佢周圍飛真係非呢份工莫屬－而我會考呢份工亦只因為佢。

做嗰行厭嗰行－雖然啲同事好多都對份工諸多不滿,就連我同期受訓嘅同學都走咗三份一咁多。撫心自問，呢兩年幾對我呢世仔唻講真係不枉過，雖然口邊成日話走話走，但我仲覺得份工對我仲有好大發展空間。唔係話飛會好有前途，睇有Ｄ空姐想識機師而唔係BC就知喇！反而係對我繼續做設計呢行輔助甚大。我仲有好多博物館、展覽、名勝未睇；好多海外朋友未探…好多好多嘢仲可以靠份工去build up我個人嘅發展網絡…希望我真係可以善用時間，向住呢個目標進發，而唔係單純留戀飛行俾我嘅假期生活。